متفرق اشعار

مجھے انکار ہی کردے مگر کچھ گفتگو تو کر
تیرا خاموش سا رہنا مجھے تکلیف دیتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تیری تڑپ سے نہ تڑپا تھا میرا دل لیکن
تیرے سکون سے بے چین ہوگیا ہوں میں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مجھے معلوم ہے میرا مقدر تم نہیں لیکن
میری تقدیر سے چھپ کر میرے اک بار ہوجاو
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وابستہ میری یاد سے کچھ تلخیاں بھی تھیں
اچھا کیا جو مجھ کو فراموش کردیا

ہمیشہ دیر کردیتا ہوں میں ہرکام کرنے میں۔۔۔۔

ہمیشہ دیر کر دیتا ہوں میں، ہر کام کرنے میں

ضروری بات کہنی ہو کوئی وعدہ نبھانا ہو

اسے آواز دینی ہو، اسے واپس بلانا ہو

ہمیشہ دیر کر دیتا ہوں میں

مدد کرنی ہو اس کی، یار کی ڈھارس بندھانا ہو

بہت دیرینہ رستوں پر کسی سے ملنے جانا ہو

بدلتے موسموں کی سیر میں دل کو لگانا ہو

کسی کو یاد رکھنا ہو، کسی کو بھول جانا ہو

ہمیشہ دیر کر دیتا ہوں میں

کسی کو موت سے پہلے کسی غم سے بچانا ہو

حقیقت اور تھی کچھ اس کو جا کے يہ بتانا ہو
ہمیشہ دیر کر دیتا ہوں میں

اج آکھاں واث شاہ نوں ۔۔۔۔۔

اج آکھاں وارث شاہ نوں کتوں قبراں وچوں بول

تے اج کتابِ عشق دا کوئی اگلا ورقہ پھول

اک روئی سی دھی پنجاب دی توں لکھ لکھ پائے وین

اج لکھاں دھیاں روندیاں تینوں وارث شاہ نوں کہن

اٹھ دردمنداں دیا دردیا تک اپنا دیس پنجاب

اج بیلے لاشاں وچھیاں تے لہو دی بھری چناب

کسے نے پنجاں پانیاں وچ اج دتی زہر رلا

تے اوہناں پانیاں نوں دتا دھرت نوں لا

جتھے وجدی پھوک پیار دی او ونجلی گئی گواچ

رانجھے دے سب ویر، اج بھل گئے اوس دی جاچ

دھرتی تے لہو وسیا تے قبراں پیّئاں چون

پریت دیاں شہزادیاں اج وچ مزاراں رون

اج تے سبے کیدو بن گئے حسن عشق دے چور

اج کتھوں لیاییے لبھ کے وارث شاہ اک ہور

بے امر مجبوری۔۔۔۔

بارشوں کا موسم ہے
روح کی فضاؤں میں
غمزدہ ہوائیں ہیں
بے سبب اداسی ہے
اس عجیب موسم میں
بےقرار راتوں کی
بےشمار باتیں ہیں
ان گنت فسانے ہیں
جو بہت خاموشی سے
دل پہ سہتے پھرتے ہیں
اور
بے امر سی مجبوری
سب سے کہتے پھرتے ہیں

پنجابی شاعری

توں لکھ بھلا کے ویکھ سانوں
اسی یاری فیر وی نبھاواں گے
توں پانی پی پی تھک جا سیں
اسیں ہچکیاں بن بن آواں گے

دو اشعار

اڑنے لگے وجود کے ذرے ہوا کے ساتھ
میں اس قدر خلوص سے بکھرا کبھی نہ تھا
سورج کے ساتھ ڈوب گیا میرا دل بھی آج
اتنا اداس شام کا منظر کبھی نہ تھا ۔۔۔۔۔

چلو اک اور دنیا میں تمھارے ساتھ چلتے ہیں۔۔۔۔۔

چلو اک اور دنیا میں تمھارے ساتھ چلتے ہیں
جہاں حالات کچھ بھی ہوں
مگر ہم ساتھ رہتے ہوں
جہاں موسم کوئی بھی ہو
جدائی کا نہ ہو لیکن
جہاں کا چاند بھی تم ہو
جہاں سورج، ہوا روشنی،خوشبووں کا رنگ تم سے ہو
جہاں پہ دل دھڑکنے کا ہر اک احساس تم سے ہو
جہاں پہ میرے جینے کی ساری آس تم سے ہو
چلو اک اور دنیا میں تمھارے ساتھ چلتے ہیں

میری پسند

کٹھن سفر ہے محبتوں کا سراب رستے ہیں سوچ لینا

وہ چھوڑ جاتے ہیں اک قدم پر جو ساتھ چلتے ہیں سوچ لینا

یہ ریت تم نہ نبھا سکوگے نہ سنگ رہنے کی بات کرنا

کہ عشق والوں کی رہ گزر میں چناب آتے ہیں سوچ لینا

تمھیں کہا تھا کہ بن کے اپنا فریب دیتا ہے یہ زمانہ

تمھیں کہا تھا کہ آستینوں میں سانپ پلتے ہیں سوچ لینا

وہ بستی جہاں پہ ہم تم ملے تھے مل کے بچھڑ گئے تھے

وہاں پہ اب بھی مری وفا کے چراغ جلتے ہیں سوچ لینا

نظم از محسن نقوی

تم اگر ٹوٹ جاؤ تم اگر بکھر جاؤ بےبسی میں گھر جاؤ

دل سے اک صدا دینا بس مجھے بھلا دینا

میں تمھیں سنبھالوں گا

زندگی میں چلنے کا

راستہ بدلنے کا

اک ہنر سکھا دوں گا

تم کو حوصلہ دوں گا

اور جب سنبھل جاؤ

روشنی میں ڈھل جاؤ

مجھ کو یوں صلہ دینا

تم مجھے بھلا دینا

قسمت

ہاتھ کی لکیروں میں کیا تلاش کرتے ہو؟

ان فضول باتوں میں کس لیے الجھتے ہو؟

جس کو ملنا ہوتا ہے

بن لکیر دیکھے ہی

زندگی کے رستوں پر

ساتھ ساتھ چلتا ہے

پھر کہاں بچھڑتا ہے

جو نہیں مقدر میں

کب ہمیں وہ ملتا ہے؟

کب وہ ساتھ چلتا ہے؟

ہاتھ کی لکیروں میں

کیا تلاش کرتے ہو

زندگی سے ڈرتے ہو؟؟؟؟؟؟

زندگی سے ڈرتے ہو

زندگی تو تم بھی ہو، زندگی تو ہم بھی ہیں

آدمی سے ڈرتے ہو

آدمی تو تم بھی ہو، آدمی تو ہم بھی ہیں

آدمی زباں بھی ہے آدمی بیاں بھی ہے

اس سے تم نہیں ڈرتے

حرف اور معنی کےر شتہ ہائے آہن سے

آدمی ہے وابستہ

آدمی کے دامن سے زندگی ہے وابستہ

اس سے تم نہیں ڈرتے

ان کہی سے ڈرتے ہو؟

جو ابھی نہیں آئی اس گھڑی سے ڈرتے ہو؟

اس گھڑی کی آمد کی آگہی سے ڈرتے ہو؟

۔۔۔۔۔۔ پہلے بھی تو گزرے ہیں

دور نارسائی کے، بے ریا خدائی کے

پھر بھی یہ سمجھتے ہو، ہیچ آرزو مندی

یہ شب زباں بندی ہے رہ خدا وندی

مگر تم کیا جانو؟

لب اگر نہیں ہلتے

ہاتھ جاگ اٹھتے ہیں راہ کا نشاں بن کر

نور کی زبان بن کر

ہاتھ بول اٹھتے ہیں صبح کی اذاں بن کر

روشنی سے ڈرتے ہو؟

روشنی تو تم بھی ہو روشنی تو ہم بھی ہیں

روشنی سے ڈرتے ہو

۔۔۔۔شہر کی فصیلوں پر

دیو کا جو سایہ تھا پاک ہوگیا آخر

رات کا لبادہ بھی

چاک ہو گیا آخر، خاک ہوگیا آخر

اژدہام انساں سے فرو کی نوا آئی

ذات کی صدا آئی

راہ شوق میں جیسے راہرو کا خون لپکے

اک نیا جنوں لپکے

آدمی چھلک اٹھے

آدمی ہنسے دیکھو، شہر پھر بسے دیکھو

تم ابھی سے ڈرتے ہو؟