تمھارا خط۔۔۔۔

تمھارا خط ملا جاناں
وہ جس میں تم نے پوچھا ہے
میرے حالات کیسے ہیں، میرے دن رات کیسے ہیں
مہربانی تمھاری ہے کہ تم نے اس طرح سے
میرے حالات پوچھے ہیں
میرے دن رات پوچھے ہیں
تمھیں سب کچھ بتا دوں گا
مگر مجھے اتنا بتادو تم
کبھی ساگر کنارے پر کسی مچھلی کو دیکھا ہے؟
کہ جس کو لہریں پانی کی، کنارے تک تو لاتی ہیں
مگر پھر چھوڑ جاتی ہیں۔۔۔
میرے حالات ایسے ہیں
میرے دن رات ایسے ہیں۔۔۔۔۔

مجھے ہرگز نہیں آتا۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پلٹ کر آنکھ نم کرنا مجھے ہرگز نہیں آتا
گئے لمحوں کا غم کرنا مجھے ہرگز نہیں آتا
محبت ہو تو بے حد ہو ، جو نفرت ہو تو بے پایاں
کوئی بھی کام کم کرنا مجھے ہرگز نہیں آتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہارے ہوئے لوگوں سے تو روٹھا نہیں کرتے۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سنو ناراض ہو ہم سے ؟؟؟
مگر ہم وہ ہیں
جن کو تو منانا بھی نہیں آتا!!!
کسی نے آج تک ہم سے محبت جو نہیں کی ہے
محبت کس طرح ہوتی ہے؟؟؟
ہمارے شہر کے اطراف میں تو سخت پہرا تھا
خزاؤں کا
اور اُس کی فصیلیں زرد بیلوں سے لدی ہیں
اور اُن میں نہ کوئی خوشبو
نہ کوئی ُُپھول تم جیسا
کہ مہک اُٹھتے ہمارے دل وجاں
جس کی قربت سے
ہم ایسے شہرِ پریشاں کی ویراں گلیوں میں
کسی سُوکھے ہوئے زرد پتے کی طرح تھے
کہ جب ظالم ہَوا
جب ہم پر اپنے قدم رکھتی تھی
تو اُس کے پاؤں کی نیچے ہمارا دَم نکل جاتا
مگر پت جھڑ کا وہ موسم
سُنا ہے ٹل چکا اب تو
مگر جو ہار ہونا تھی
سو وہ تو ہو چکی ہم کو
سنو ۔۔۔۔ !
ہارے ہوئےلوگوں سے تو رُوٹھا نہیں کرتے

کج عشق نے در در رول دتا

کج شوق ہے یار فقیری دا
کج عشق نے در در رول دتا
کج سجناں حاجت نئیں چھڈی
کج زیہر رقیبان گھول دتا
کج ہجر فراق دا رنگ چڑھیا
کج درد ماہی انمول دتا
کج سڑ گئی قسمت ساڈی وی
کج پیارچ دھوکا ڈھول دتا

پرانی بستی

آؤ اداس راتوں میں
دل کی بستی میں آکے دیکھو
ہرایک رستہ ہراک دریچہ
تمھاری چاہت کا منتظر ہے
فلک سے تکتا ہے چاند تم کو
ستارے تم کو بلا رہے ہیں
تمھاری آمد کے منتظر ہیں
مجھے یقیں ہے تمھارےدل میں
گئے دنوں کے خیال ہیں کچھ
نئے سفر کے ملال ہیں کچھ
نئی رتوں کے سوال ہیں کچھ
اگر یہ سچ ہے تو میری مانو
پرانے رستوں پہ لوٹ آؤ
پرانی بستی میں کوئی اب تک
تمھاری آمد کا منتظر ہے

مزاحیہ شاعری۔۔۔ ڈاکٹر انعام الحق

پروفيسر ہي جب آتے ہوں ہفتہ وار کالج ميں
تو اونچا کيوں نہ ہو تعليم کا معيار کالج ميں

کچھ ايسے بھي پڑھا کو پنچھيوں کو ہم نے ديکھا ہے

کہ ‘ پر‘ دفتر ميں ‘پنجے‘ شہر ميں ‘منقار‘ کالج ميں

اگر چہ دوسرے مشروب بھي مہنگے نہيں ملتے
مگر چلتا ہے اکثر شربت ديدار کالج میں

وہ ڈگري کي بجائے ميم لے کر لوٹ آيا ہے
ملا تھا داخلہ جس کو سمندر پار کالج ميں

مجھے ڈر ہے کہ ہم دونوں کہيں سمدھي نہ بن جائيں
تري گلنار کالج ميں ميرا گلزار کالج ميں

میری بیاض سے۔۔۔۔۔

نظر میں ظلمت ،بدن میں ٹھنڈک جمال کتنا عجیب سا تھا
میں اس کی چاہت میں گھر سے نکلا تو حال کتنا عجیب سا تھا
نہ میں نے اسے خطوط لکھے نہ اس نے میری پناہ چاہی
دونوں کو بے خودی پہ اپنی ملال کتنا عجیب سا تھا
وہ اپنی راتوں میں چاند دیکھےمیں اپنی راتوں میں اس کو سوچوں
بدلتے لمحوں میں سوچ کا یہ وصال کتنا عجیب سا تھا
سفر اکیلے ہی کاٹ لو گے میں نے پوچھا تو روپڑا وہ
جواب کتنا عجیب سا تھا سوال کتنا عجیب سا تھا

سر آئینہ

اشفاق احمد نے اپنی ایک کتاب" ایک محبت سو ڈرامے" کا انتساب اس نامعلوم بابا جی کے نا م کیا ہے جس سے وہ ساہیوال جاتے ہوئے ملے تھے۔ اشفاق احمد اس واقعے کو یوں بیان کرتے ہیں کہ پاکستان کو بنے ہوئے اٹھائیس سال کا عرصہ گزر چکا تھا اور چھوٹی عید پر وہ اپنی ہمشیرہ سے ملنے ساہیوال جارہے تھے کہ راستے میں ان کی گاڑی کا ٹائر پنکچر ہوگیا۔ وہیں سڑک کے کنارے ایک جولاہا اپنے کام میں مصروف تھا اور اس کا نہایت خوبصورت اور روشن آنکھوں والا ، سات آٹھ سالہ پوتا سوت کی انٹیاں سلجھانے میں اپنے دادا کی مدد کررہا تھا۔ اس سے باتیں کرنے کے دوران اشفاق احمد کو پتہ چلا کہ کہ سنہ سینتالیس سے پہلےوہ بابا جی فیروز پور میں رہتے تھے اور انھوں نے پاکستان بننے کےدوران اپنے خاندان کے اکیس افراد کو شہید ہوتے دیکھا تھا مزید یہ کہ انھیں پاکستان سے بہت پیار ہے اور انھوں نے قائد اعظم کی تصویر کو پینتیس روپے کا فریم جڑوا کر اپنی جھگی میں لگا رکھا ہے لیکن وہ اپنے پوتے کو سکول داخل نہیں کروانا چاہتا۔ اشفاق احمد نے اس کی وجہ پوچھی تو وہ بابا کہنے لگا 'صاحب جی میں پاکستان سے بہت پیار کرتا ہوں، میں نے دیکھا ہے کہ پچھلے اٹھائیس سالوں میں کسی ان پڑھ نے پاکستان کو نقصان نہیں پہنچایا۔ میں نہیں چاہتا کہ میرا پوتا بھی پڑھ لکھ کر میرے پیارے وطن کو برا بھلا کہنے لگے۔

کہنے کو یہ ایک عام سا واقعہ ہے لیکن غور کیا جائے تو ان بابا جی کی بات بہت حد تک ٹھیک بھی ہے۔

Ego......

کبھی سوچا ہے تم نے یہ
اگر ہم مل بھی جائیں تو
گزارا ہو نہیں سکتا
نہ تم خود کو کبھی
میرے سانچے میں ڈھالو گے
نہ میں اپنی روش کو چھوڑ پاوں گی
تم اپنے عشق پہ فاخر
میں اپنے حسن پہ نازاں
یوں ہم اپنی اپنی جگہ دونوں
انا کے خول میں لپٹے ہوئے
ریشم کے کیڑے ہیں
ناممکن کمپرومائز
نا سمجھوتے کی گنجائش
تو کیا بہتر نہیں ہے یہ
کہ ہم دونوں
بچھڑنے کی اذیت سے ہی نہ گزریں
نہ تم کو یاد آوں میں
نہ مجھ کو یاد آو تم
تمھین میں بھول جاوں اور
مجھے بھی بھول جاو تم