شہر کے دکاں دارو۔۔۔ تم نہ جان پاؤ گے۔۔۔

شہر کے دوکاں دارو!
کاربارِ الفت میں سود کیا ، زیاں کیا ہے؟؟
تم نہ جان پاؤگے
دل کے دام کتنے ہیں؟؟
خواب کتنے مہنگے ہیں
اور نقد جاں کیا ہے؟
تم نہ جان پاؤ گے
کوئی کیسے ملتا ہے
پھول کیسے کھلتا ہے
آنکھ کیسے جھکتی ہے
سانس کیسے رکتی ہے
کیسے راہیں کھلتی ہیں
کیسے بات چلتی ہے
شوق کی زباں کیا ہے
تم نہ جان پاؤ گے
وصل کا سکوں کیا ہے
ہجر کا جنوں کیا ہے
حسن کا فسوں کیا ہے
عشق کا دروں کیا ہے
تم مریض دانائی
مصلحت کے شیدائی
راہ گم یہاں کیا ہے
تم نہ جان پاؤ گے
زخم کیسے پھلتے ہیں
داغ کیسے جلتے ہیں
درد کیسے ہوتا ہے
کوئی کیسے روتا ہے
اشک کیا ہیں نالے کیا
دشت کیا ہیں چالیں کیا
آہ کیا فغاں کیا ہے
تم نہ جان پاؤ گے
جانتا ہوں میں تم کو
ذوقِ شاعری بھی ہے
شخصیت سجانے میں
اک ماہری بھی ہے
صرف حرف چنتے ہو
فقط لفظ سنتے ہو
ان کے درمیاں کیا ہے
تم نہ جان پاؤ گے