میں اور کافی کا اک کپ۔۔۔۔نظم از روشنی

ہر روز
میں اور وہ.........
ساتھ میں بیٹھے رہتے ہیں
ہونٹوں سے ہونٹ ملاتے ہیں
اور باتیں کرتے رہتے ہیں
اچھی باتیں، میٹھی باتین
کڑوی باتیں، گہری باتیں
پھر کچھ تھک سے جائیں تو
چپ چپ بیٹھے رہتے ہیں
خوامخواہ
میں اس سے روٹھی رہتی ہوں
وہ مجھ سے اینٹھا رہتا ہے
پھر یوں ہوتا ہے اکثر
وہ مجھ پہ ہنسنے لگتا ہے
اور میں مان ہی جاتی ہوں
پھر ہم جلنے لگتے ہیں
اور ساتھ میں چلنے لگتے ہیں
کڑوی اور کسیلی باتیں

پھر سے کرنے لگتے ہیں